• 04.12.2025

Пивара Скопје е компанија со повеќе од десет децении историја, која со својот развој е тесно поврзана со развојот на нашата земја. Од основањето во 1922 година до денес, Пивара Скопје не е само водечки производител на пиво и безалкохолни пијалаци, туку и силен поддржувач на локалната заедница, културата и економијата. Со својата работа, компанијата придонесува за отворање работни места, развој на домашната економија и создавање можности за идните генерации.

Водени од вредностите на одговорност, одржливост и иновации, Пивара Скопје постојано инвестира во општествени проекти кои носат долгорочна корист за заедницата.

Како дел од глобалната иницијатива Youth Empowered на Coca-Cola HBC, Пивара Скопје има изградено силна платформа за поддршка на младите – обезбедувајќи пристап до знаење, ресурси и мрежи кои им помагаат да се подготват за предизвиците на иднината.

Предмет на ова Барање е реализација и унапредување  на досегашната платформа за поддршка на млади Youth Empowered, која компанијата ја спроведува речиси 30 години. Понудувачите треба да креираат и да ја спроведат платформата Youth Empowered -„Пивара Скопје Академија за млади“ што е следен чекор во унапредување на создавање на современа, динамична и инклузивна програма која ќе им овозможи на младите од сите региони на земјата да развијат дигитални и лидерски вештини, да се запознаат со концептите на одржливост и ESG, и да ги унапредат своите способности за личен и професионален развој.

Преку ова Барање за доставување понуда, Пивара Скопје ги поканува квалификуваните организации да станат партнери во реализацијата на платформата, споделувајќи ја нашата визија – младите луѓе да имаат пристап до алатки, знаења и инспирација со цел поддршка во нивното вработување и отворање сопствен бизнис.

Според податоците на Државниот завод за статистика и релевантните истражувања на меѓународни организации, младите луѓе во Северна Македонија се соочуваат со повеќе предизвици:

• Висока невработеност кај младите (поголема од 25% во некои региони).
• Недостаток на практични вештини што ги бараат работодавачите, особено во областа на дигиталните технологии и комуникацијата.
• Ограничен пристап до современи образовни ресурси во руралните подрачја.
• Ниско ниво на дигитална и медиумска писменост, што ги прави ранливи на дезинформации и ограничува нивната способност за критичко размислување.
• Недоволна застапеност во процесите на одлучување, и покрај тоа што младите претставуваат значителен дел од населението.

Во овој контекст, платформата Youth Empowered – Пивара Скопје Академија за млади е осмислена како решение што ќе им овозможи на младите да стекнат знаења и вештини за:

• Подобра конкурентност на пазарот на труд
• Активно учество во општеството и јавниот живот
• Подобра дигитална адаптација и користење на нови технологии на етички и продуктивен начин

Целите на платформата Youth Empowered – Пивара Скопје Академија за млади се насочени кон интегриран развој на младите, преку покривање на осум тематски области:

1. Дигитални вештини
   Примена на софтверски алатки, работа со податоци, управување со онлајн платформи. Пример: креирање на е-портфолио или изработка на едноставна веб-страница, стекнување на вештини поврзани со целиот спектар на дигитален маркетинг, одговорно инфлуенсертво и сторителинг итн.
2. Вештачка интелигенција (ВИ)
   Запознавање со практичната примена на ВИ во секојдневниот живот, во учењето, работата и кариерниот развој. Пример: анализа на реални и применливи примери и вештини за користење на ВИ.
3. Лидерство и личен развој
   Развој на вештини за управување со тим, комуникација, поставување цели. Пример: симулациски игри за донесување одлуки, инклузивност, примена на ЕУ пракси и вештини во оваа сфера.
4. Одржливост и ESG стандарди
   Запознавање со концептите за еколошка одговорност, социјална праведност и транспарентно управување. Пример: мини-проекти за локална заедница и учење од македонски и регионални успешни кампањи и проекти..
5. Општествена одговорност
   Поттикнување на волонтерството и активизмот. Пример: организирање на општинска иницијатива за чистење и зеленило поддржана од Пивара Скопје, како се создава успешна КОО кампања, принципи на КОО и нивна применливост, КОО преку дигитални платформи и социјални медиуми.
6. Медиумска, дигитална и ВИ писменост
   Препознавање на лажни вести, критичка проценка на информации, безбедно користење на онлајн алатки, употреба на ВИ во секојдневниот живот базирано на етички правила и норми..
7. Модернизирани меки вештини
   Изработка на CV и мотивациско писмо, интервју вежби, креирање професионален LinkedIn профил. Употреба на ВИ алатките во пронаоѓање на посакуваното работно место, градење на личното и дигитално портфолио и напредок во кариерата.
8. Презентациски вештини
   Јавно говорење, визуелна презентација, убедливо пренесување на пораки. Традиционална наспроти дигитална комуникација, виралност, онлајн јазик и постигнување на импакт.

ОПСЕГ

• 22 физички обуки (12 во Скопје, 10 во други градови).
• 2000+ учесници, со еднаква застапеност на жени и мажи, и вклучување на млади во ризик. (За цела година)
• Активности за промоција на целокупната активност преку младински дигитални платформи, традиционални медиуми, онлајн портали.
• Времетраење на проектот – 2026 (1 година), со можност за продолжување на склучениот договор за дополнителни 1+1 година.

МЕТОДОЛОГИЈА

• Интерактивни работилници – со вежби, дискусии и задачи
• Гостински предавања – од домашни и странски експерти
• Мастер-класови – со меѓународни предавачи
• E-learning платформа – вебинари и материјали
• Менторство – најдобрите 50 учесници/чки на академијата добиваат менторска поддршка.
• Завршен проект – реален предизвик решен од учесниците

ОЧЕКУВАНИ РЕЗУЛТАТИ И ИСПОРАКИ

Испораки:

• Детален курикулум/извештај за спроведените активности и сумарен резултат.
• Реализација на сите обуки и активности.
• Поставени, снимени и онлајн достапни најмалку 10 вебинари.
• Организирана менторска програма за најдобри 50 учесници/чки на Академијата.
• Финален настан со доделување сертификати.
• Номинирање на 2 конктакт лица за реализација на платформата и доставување на план за нивна редовна неделна и месечна координација со Пивара Скопје.
• Изработки на детални месечни извештаи и финален извештај и нивна презентација пред Пивара Скопје.

ОЧЕКУВАНИ РЕЗУЛТАТИ:

• Вклученост на 2000+ млади во КОО на Пивара Скопје и стекнати меки вештини клучни за нивен личен и кариерен развој.
• Градење на конкретни синергии на релација приватен сектор – млади – академија – јавни институции – меѓународни искуства и поврзувања.
• Вклученост и давање на еднакви можности за млади во ризик со цел стекнување на неопходните меки вештини за личен развој и повисок степен на подготвеност за пазарот на трудот.
• Зголемено ниво на дигитални вештини.
• Подобра вработливост на учесниците.
• Развиени лидерски и комуникациски способности.

За да бидат разгледани, понудувачите мора да ги исполнуваат следниве задолжителни услови:

1. Докажано искуство во работа со млади
   Минимум три реализирани проекти или програми во последните пет години кои вклучуваат обуки, работилници или активности насочени кон млади 

 лица, вклучувајќи и работа со дигитални платформи.
2. Капацитет за работа во урбани и рурални средини
   Логистичка способност и мрежа за реализирање активности во различни региони на земјата.
3. Обврска за постоечка соработка со релевантни младински организации –
   Понудувачот мора да достави писмен доказ (меморандум за соработка, договор, писмо за намери или сличен документ) за партнерство со најмалку три младински организации кои:
   • застапува студенти/средношколци
   • работи со млади во ризик
   • има воспоставена соработка со влијателни дигитални платформи популарни меѓу младите, со посебен акцент на студентите и средношколците.
4. Партнерска мрежа
   Се охрабрува вклучување на образовни институции и НВО како поддржува чи на проектот.

Овие услови се поставени за да се осигура дека понудувачот има реална способност за имплементација и дека платформата ќе има максимален опфат и влијание кон целите кои што се очекуваат да се постигнат.

ПОТЕНЦИЈАЛНИ РИЗИЦИ ЗА КОИ ТРЕБА ДА СЕ НАВЕДАТ МЕРКИ ЗА УБЛАЖУВАЊЕ:

• Ниска излезност на учесници – Ризик од недоволен број пријавени или присутни.
• Логистички проблеми – Невозможно навремено одржување на обуките поради технички или временски услови.
• Ограничена достапност на експерти – Потешкотии во ангажман на квалификувани предавачи ( домашни и меѓународни).
• Технички проблеми со онлајн платформата – Прекини или недос тапност на дигиталните материјали.
• Други потенцијални ризици според видување на понудувачот – Ве молиме наведете

ПРЕДЛОГ ФОРМАТ НА ПОНУДАТА И ЗАДОЛЖИТЕЛНИ ДОКУМЕНТИ

1. Специфични документи:

• Документ за регистрација на компанијата.
• Краток преглед на компанијата, нејзиното искуство и капацитети релевантни за ова Барање.
• Детално опишана методологија за реализација на програмата со вклучен детален план за ширење на партнерската мрежа на платформата.
• Календар на детално образложени активности со јасни временски рокови.
• Детален буџет со објаснување на секоја ставка и процентуален удел според Прилог 1.
• Биографии на клучниот тим и предавачите.
• Докази за исполнување на условите за учество, вклучително и потпишани прилог документи за соработка со релевантни младински организации и дигитални младински платформи.
• Документ со детално објаснети предлог мерки за ублажување на потенцијални ризици.
• Детално разработен план за промоција на активностите на младински дигитални платформи, традиционални медиуми, онлајн портали и социјални медиуми.
• План за вклучување на млади луѓе во ризик и начин на реализација.
• Детално разработен план за реализација на менторската програма наменета за најдобрите 50 учесници/чки на Youth Empowered – Пивара Скопје Академија за млади.
• План за реализација на e-learning платформата.

*Забелешка: Освен буџетот, нема стандарден формулар — се доставува во слободен формат.

2. Ако Понудувачот очекува да склучи под-договор за било кој дел од услугите, со други под-изведувачи, треба јасно да ги идентификува сите под-изведувачи како и нивната улога и задачи во рамки на извршување на услугите. Понудувачот се очекува да прифати одговорност за постапките на неговите под-изведувачи и е единствено одговорен за доставување на бараните услуги за Пивара Скопје АД. Набавувачот го задржува правото да побара дополнителни документи и за под изведувачите;
3. Информација за активна регистрација на EcoVadis, доколку истата е достапна. За повеќе информации Ве молам прочитајте во точка 6.5 делот за EcoVadis;
4. Документ за бонитет (биланс на состојба и биланс на успех) издаден од Централниот регистар на Република Македонија (не  постар од шест месеца, а се доставува во скенирана копија на оргиналот);
5. ISO сертификати доколку поседува;
6. Референци за реализирани најмалку три слични проекти во последните пет години, како и референци за слични проекти и програми. Сите референци треба да бидат споредливи со барањата на Пивара Скопје АД во врска со големината и обемот на бараните услуги. Пивара Скопје АД по своето дискреционо право може да ги исконтактира наведените референци. Поради тоа, доколку е потребно, Понудувачот е должен да обезбеди дозвола од неговите референци за да ги користи нивните имиња, пред поднесување на предлогот. Пивара Скопје АД, нема да сноси никаква одговорност во однос на податоците доставени во референците и нивната содржина и/или доверливост и истите ќе бидат употребени само за потребите на постапката предвидена согласно ова Барање и евалуација на потенцијалните понудувачи.
7. Сите дополнителни информации кои Понудувачот смета дека би можеле да бидат важни или може да додадат вредност на понудата

ДАТУМ НА ПОДНЕСУВАЊЕ

Секој Понудувач ја доставува понудата во писмена форма, на контакт емаил адресата на претставникот од Пивара Скопје АД задолжен за ова Барање за понуди. Понудите мора да бидат предадени во бараниот рок. Пивара Скопје АД го задржува правото да не ги прифаќа понудите кои нема да бидат предадени во бараниот рок.

Понудувачите немаат право да вршат измена на понудите по поднесување, освен ако тоа не се бара од страна Пивара Скопје АД. Продолжување на рокот за доставување на понуди може да се дозволи само со дискреционо право од страна на набавувачот.

ПРЕДЛОГ ВРЕМЕНСКА РАМКА  КЛУЧНИ ДАТУМИ

Пивара Скопје АД дава индикативна временска рамка (како што е наведено подолу), но го задржува правото да прави промени на оваа индикативна временска рамка по своја дискреција. Секоја промена на овие датуми ќе биде доставена до сите Понудувачи.

ИЗГОТВУВАЊЕ НА ПОНУДАТА

Понудата треба да биде изработена согласно со наведените услови и податоци наведени во ова Барање за прибирање понуди. Доколку понудата не е изработена и не ги содржи бараните податоци, понудата ќе се смета за некомплетна и истата 

 ќе биде одбиена. истата не е потребна.

Понудата мора да биде јасна, концизна и целосна. Пивара Скопје АД го задржува правото да го оцени Понудувачот со ниска оценка или го исклучува од процесот ако понудата содржи некои нејаснотии. Со исклучок на документи кои ќе се третираат како документи за “подобрување”, Понудувачите треба да достават само информации кои се потребни за ефективно да одговорат на ова Барање. Освен ако експлицитно не е побарано, презентација на дополнителни материјали,

Понудата мора да биде потпишана од страна на овластен претставник на правното лице.

Доколку Понудувачот е веќе регистриран со EcoVadis (www.ecovadis.com), истото треба да биде наведено во самата понуда. Постоечка регистрација на Понудувачот во рамки на EcoVadis ќе се оценува како плус во рамки на критериумот Одржливост.

Во случај избраниот Понудувач да не е регистриран на EcoVadis, има обврска во рок од 3 месеци од известувањето дека е избран за најповолен Понудувач, да се регистрира на EcoVadis. Трошокот за регистрација на EcoVadis зависи од големината на компанијата, големината на пакетот, земјата и временскиот период на пакетот и истиот може да се провери на следниот линк:

Business Sustainability Ratings Plans and Pricing | EcoVadis

Трошокот за регистрација е обврска на самиот избран Понудувач. Избраниот Понудувач има обврска за активно членство на EcoVadis за целото времетраење на ангажманот/договорот за предметната набавка.

Доколку избраниот Понудувач не се регистрира на EcoVadis во временската рамка наведена погоре, истото ќе се смета за прекршување на постапката за прибирање 

 на понуди и основа за раскинување на договорот, без отказен рок.

Понудувачите кои во моментот на поднесување на понудата немаат активна регистрација на EcoVadis имаат обврска по доставувањето на понудата да достават пополнет Формулар за претквалификација на контрактори и добавувачи – овој прилог дополнително ќе биде споделен по добивањето на понудите. Понудувачите се обврзани пополнетиот Формулар за претквалификација на контрактори и добавувачи да го достават во рок од најмногу 3 дена откако истиот е испратен до нив.

официјалната веб страна на Пивара Скопје.

Покрај тоа, Набавувачот може да се јави кај секој Понудувач за корегирање или појаснувања на доставената понуда, со цел да се направи фер споредба на сите поднесени понуди.

ТРОШОЦИ ЗА ДОСТАВУВАЊЕ НА ПОНУДА

Било какви настанати трошоци или настаната обврска или било која работа или напор од страна на Понудувачот, без разлика дали е успешна или не, или дали процесот се менува во било кој начин, предизвикана исклучиво врз основа на комерцијална пресуда на Понудувачот, е негова лична одговорност. Пивара Скопје АД нема да ги надомести направените трошоци, издатоци и обврски, вклучувајќи, но не ограничувајќи се на било каква загуба на профит или економските загуби предизвикани од кој било Понудувач, или било кое друго лице во врска со неговата подготовка за учество во оваа понуда. Пивара Скопје АД нема никаква одговорност за исходот на ова Барање, вклучувајќи, но не ограничувајќи се на било каква загуба на профит или економска загуба направени од страна на Понудувачот или било кое друго лице кои произлегуваат од или во врска со оваа понуда или какво било одложување на ова Барање.

Пивара Скопје АД го задржува правото да побара од Понудувачот да ги презентира системите, услугите и процесите наведени во понудата на трошок на Понудувачот како и можност да ги посети работните простории на Понудувачот.

ЕВАЛУАЦИЈА НА ПОНУДИТЕ

Отворањето на понудите ќе се изврши без присуство на Понудувачите.

Набавувачот ќе ја прифати онаа понуда којашто ќе биде оценета како најповолна, а го задржува правото и не е обврзан да ја прифати најевтината или било која 

 доставена понуда, како и правото да го поништи барањето.

По процедурата за оценување, Набавувачот може да контактира со избраниот (-ите) Понудувач(и) за понатамошни преговори во врска со предложените договорни услови. Набавувачот ќе ги извести сите Понудувачи по е-маил за резултатот од нивното учество во процесот на барањето за прибирање на понуди.

Набавувачот нема да им ја открие на другите Понудувачи информацијата за тоа која понуда го добила барањето. Исто така набавувачот не презема никаква обврска да ги обзнани причините или кои било детали што биле искористени како основа за идентификување на победникот и за рангирањето на Понудувачите.

Откако понудите ќе бидат добиени од сите Понудувачи, Пивара Скопје АД ќе ги оцени сите понуди врз објективни критериуми за селектирање. Цени и трошоци нема да бидат единствените фактори, но ќе имаат значителна улога во оценувањето.

Пивара Скопје АД ќе ги оцени Понудувачите врз основа на неколку критериуми кои може да вклучуваат, но не се ограничени на:

• Финансиска понуда
• Рок на плаќање
• Одржливост
• Рокови на испорака
• Евалуација на доставените предлози
• Полиса за професионална одговорност

Забелешка: Критериумите во оваа клаузула не се наведени по редослед на нивниот приоритет и не се исцрпни, ниту ќе им биде дадена еднаква тежина во текот на оценувањето.

КЛУЧНИ КОНТАКТИ

Маја Котевска (maja.kotevska@cchellenic.com) е контакт лице за сите технички и комерцијални услови (“Проектен Лидер”).

Без претходно писмено одобрување од Проектниот лидер, Понудувачот не смее да открие или да ја дискутира својата понуда со било кој вработен (и) во Пивара Скопје АД. Понудувачот треба да се осигура дека сите дискусии и комуникација во врска со ова Барање оди преку Проектниот лидер, освен ако не е поинаку договорено. Непочитувањето на ова барање може да резултира со дисква лификација од процесот на набавки.

БЕЗ ПУБЛИЦИТЕТ

Ниту еден Понудувач нема право да изврши објава или предизвика публицитет во врска со ова Барање за доставување понуди, секој предлог, дискусии од било кој вид или активности поврзани со избор на Понудувач, без претходна писмена согласност од Пивара Скопје АД.

ОДНЕСУВАЊЕ НА ПОНУДУВАЧОТ И СУДИР НА ИНТЕРЕСИ

Секој обид од страна на Понудувачот или неговите советници да влијаат на процесот на избор на Понудувач на кој било начин, може да резултира Понудувачот да биде дисквалификуван. Поточно, Понудувачите не треба директно или индиректно, во секое време:

• да прават измени или дополнување на содржината на нивната понуда во договор или аранжман со било кое друго лице;
• да влезе во каков било договор или аранжман со било кое друго лице во однос на дефинирање на формата или содржината на ова Барање или да понуди да плати сума на пари или вредност на лице за да изврши промени во формата и содржината на Понудата;
• да влезе во каков било договор или аранжман со било кого, кој договор или аранжман има ефект на забрана или исклучување на тоа лице од поднесување на понуда;
• да агитира во Пивара Скопје АД или кај вработени во Пивара АД Скопје во врска со оваа Барање;
• да се обиде да добие информации од некој од вработените на Пивара Скопје АД или неговите советници во врска со друг Понудувач или понуда.

Понудувачите имаат одговорност да осигураат дека не постојат конфликти на интереси меѓу Понудувачот и неговите соработници/партнери и Пивара Скопје АД и нејзините вработени/партнери/соработници. Секој Понудувач кој не го исполнува ова барање може да биде дисквалификуван од процесот за набавка по дискреционо право на Пивара Скопје АД.

ДОВЕРЛИВОСТ

Со цел да бидат земени в предвид доставените понуди на овој повик, Понудувачите мора да ги исполнуваат обврските кои произлегуваат од Договорот за неоткривање (НДА) дадени од Пивара Скопје АД. Договорот за НДА ќе биде доставен до секој Понудувач кој ќе учествува на овој повик. Во случај на непочитување на Договорот за неоткривање, секој Понудувач може да биде исклучен од овој процес.

Пивара Скопје АД ќе ја почитува доверливоста на понудите поднесени од Понудувачите. Информациите доставени од Понудувачот ќе бидат прегледани и оценети од страна на проект тимот составен од вработени во Пивара Скопје АД. За да се избегне било каков сомнеж, секој Понудувач се согласува дека Пивара Скопје АД има право да ги користи личните податоци, доколку такви податоци се доставени, или се содржани во соодветните предлози на Понудувачите, до степен потребен за Пивара Скопје АД ефикасно ги постигне целите на ова Барање и да се избере потенцијален добавувач за исполнување на целта на овој процес. Пивара Скопје АД има право да користи било кој предлог од Понудувачот за остварување на целите, без оглед на тоа дали или не влегува во договорен однос со Понудувачот.

ПОДАТОЦИ ЗА ПРИВАТНОСТ И СОПСТВЕНОСТ

Пивара Скопје АД ќе ја задржи сопственоста на податоците од правна и оперативна перспектива. Се очекува дека Понудувачот ќе:

• обезбеди соодветни технички и оперативни мерки за да се обезбеди доверливост, интегритет и достапност на податоците и системите на Пивара Скопје АД;
• обезбеди соодветни технички и организациски мерки заради обезбедување на безбедност и доверливост за било кои лични податоци кои Понудувачот ги стекнал директно или индиректно во процесот на давање на понуда и/или извршување на договор, доколку истиот биде избран;
• го конфигурира својот систем на начин кој спречува неовластен пристап, односно дури и случајно, но, исто така, намерно, до системот на Пивара Скопје АД, апликациите и податоците, за цели кои не се однесуваат на извршување на услугата, од страна на персоналот на Понудувачот кои не се вклучени во извршувањето на оваа услуга и / или со какви било други лица;
• користи само пристап до системите и деловни податоци на Пивара Скопје АД до степен потребен за извршување на услуги;
• нема да ги умножува, или на друг начин да се репродуцираат податоците на Пивара Скопје АД (на пример, скенирање, сликање и сл) за никакви цели кои се надвор од опфатот на услугите. Се очекува дека Понудувачот ќе ги копира и / или репродуцира податоци на Пивара Скопје АД само за backup / Disaster Recovery, како што е опишано во овој документ;
• управува со преносливи медиуми, како и копии поврзани со Пивара Скопје АД на начин кој спречува неовластен пристап до нив (како што е дефинирано погоре), преку методи како што се етикетирање, физичката поделба, и / или физичко уништување кога истите не се потребни повеќе да се чуваат итн
• обезбеди Пивара Скопје АД да има право да го надгледува пристапот на другите деловни единици на Понудувачот кои имаат пристап до податоците на Пивара Скопје АД.

ВРАЌАЊЕ НА ПОДАТОЦИ

Секој Понудувач кој нема да биде избран во процесот мора да ги врати или уништи (во кој случај треба да обезбеди релевантен документи за уништување) сите документи и податоци кои му се предадени до датум што Пивара Скопје АД ќе го определи.

ЗАДРЖАНИ ПРАВА

Во прилог на сите други права, Пивара Скопје АД посебно го задржува правото, без никакви трошоци/обврска/одговорност да:

• донесе одлуки во врска со ова Барање, вклучувајќи го и правото да ја прифати или ги одбие сите или дел од понудите на Понудувачот (или сите Понудувачи);
• да се повлече од или да го прекине процесот утврден во ова Барање во секое време, од било која причина и без претходно известување на Понудувачите (и има дискреционо право повторно да достави Барање за иста или каква било друга основа);
• го измени или надополни ова Барање или да воведе дополнителни или изменети спецификации, барања и/или правни одредби и услови во секое време од процесот;
• ја менува основата врз основа на која Пивара Скопје АД ќе ги евалуира понудите (вклучувајќи промена на критериумите за евалуација и тежина);
• го продолжи рокот за поднесување на понудите, за сите Понудувачи, ако се утврди дека се неопходни од било која причина;
• го одложи, го повтори или поништи процесот на прибирање понуди во која било фаза од циклусот (од објавување на ова Барање до избор на најдобра понуда / договор);
• да преговара дополнително услови и другите услови за работењето со избраниот Понудувач (и);
• дисквалификува секој Понудувач кој е виновен за сериозно, лажно претставување во однос на неговата понуда, прекршување на правата на доверливост или прекршување на правата на интелектуална сопственост;
• дисквалификува секој Понудувач кој директно или индиректно агитира кај било кој вработен во Пивара Скопје АД кој е дел од процесот на избор на Понудувач;
• (не) го објави името на избраниот Понудувач на другите Понудувачи;
• ги задржи информациите кои се однесуваат на финалниот процес на селекција;

ПРИЛОЗИ
Прилог 1 – Буџет

Прилог 2 – Прашања YE тендер