Стани дел од тимот Пиварци

Пиварци – нашата тајна состојка за успех

Пивара Скопје е препознаена како еден од најпосакуваните работодавачи во земјата благодарение на нашиот посветен пристап кон луѓето и нивниот развој, и создавање позитивна работна средина.

Во моментов нема отворени позиции

Иако во моментов немаме активни огласи за работа, секогаш сме отворени да запознаеме талентирани и мотивирани професионалци.

Испрати ни го твоето CV, со задоволство ќе го разгледаме и ќе те контактираме доколку се појави соодветна можност.

Следи нѐ на нашите канали за вести и огласи за работа, за да бидеш меѓу првите што ќе дознаат за нови позиции.

Причини зошто да работите кај нас

Пивара Скопје – модерна приказна со традиција и иднина

Пивара Скопје е повеќе од бренд, таа е жива приказна што ја градат генерации посветени Пиварци со страст, иновација и чувство на припадност. Нашата сила лежи во моќните брендови, но и во компаниската култура која нѐ мотивира да растеме како професионалци и како тим. Работиме во средина каде што се вреднува креативноста, соработката и личниот развој, и каде што секој има шанса да даде свој придонес.

Знаења и искуства

Како дел од глобалните групации Coca-Cola HBC и HEINEKEN, Пивара Скопје нуди пристап до врвна пракса, знаења, иновации и стандарди, кои ги применуваме во секој сегмент од нашето работење.

Работиме во динамична средина каде што најдобрите практики од светот се дел од нашето секојдневие. Тоа ни овозможува да испорачаме квалитет, да се движиме брзо и да останеме фокусирани на она што е важно – вредноста за потрошувачите, стабилниот раст и одржливиот развој.