Пријавете се на нашиот месечен е-билтен
На 20-ти август на двете игралишта за одбојка на песок при градската плажа “Парк” официјално стартуваше шестиот меѓународен турнир во одбојка на песок и првиот европски сателит турнир “Сателит Скопје 2015”. Годинава на турнирот учествуваат реномирани европски одбојкари од 30 тима во машка конкуренција од 21 држава. Турнирот е организиран од Град Скопје и Одбојкарската Федерација на Македонија, а свој значаен придонес има и Пивара Скопје која во рамките на платформата за водење здрави навики и активен живот, традиционално обезбедува финансиска помош и пијалаци за овој турнир.
Турнирот свечено го отвори градоначалникот на Град Скопје Коце Трајановски, а почесен гостин беше и В.Д. Генералниот директор на Пивара Скопје АД, Вице Мутерс.
Горди сме што во организацијата на турнирот во својство на делегат директно учество има и еден наш “Пиварец”, Симон Џинес – унапредувач на пазарот во реонот на Струмица, кој со својот ангажман во слободното време надвор од работното место дава значаен придонес во заедницата во која делуваме.