Пивара Скопје инвестира во развојот на своите вработени преку регионална развојна програма 

Развојот на вработените е важен дел од начинот на кој Пивара Скопје ја гради својата иднина. Преку можности за учење, размена на искуства и работа на реални бизнис предизвици, компанијата им овозможува на своите вработени да ги надградуваат знаењата и да придонесуваат со нови идеи.

Еден од примерите е Regional Business Developer Development Program (RBDDP), регионална програма која ги поврзува бизнис девелоперите од Пивара Скопје со други бизнис единици во регионот.

Пивара Скопје како дел од регионална програма за развој

Во програмата за 2025/2026 година учествуваа 7 колеги од три бизнис единици – Пивара Скопје, CCH Serbia и Bambi A.D.

Во рамките на програмата беа реализирани 6 кампови во 4 градови – Ниш, Скопје, Пожаревац и Белград, со вкупно 46 часа развој и учење.

За Пивара Скопје, ваквите регионални програми се можност вработените да излезат од рамките на секојдневните работни задачи, да запознаат различни перспективи и да учат преку директна размена со колеги од регионот.

Од знаење до конкретна вредност за Пивара Скопје

RBDDP не се темели само на тренинзи. Учесниците работеа и на свои проекти, преку кои стекнатото знаење го претворија во конкретни идеи и решенија за бизнисот.

Меѓу учесниците од Пивара Скопје беше и Димитар Филиповски, кој со својот проект на тема „Monster Energy“ го освои првото место во рамките на програмата.

„Учеството во RBDD програмата беше одлично и многу корисно искуство за мене. Програмата ми овозможи да стекнам нови знаења, практични вештини и многу искуства кои верувам дека ќе ми помогнат во понатамошниот професионален развој.“

За Пивара Скопје, ваквите искуства имаат вредност и за поединецот и за компанијата затоа што развојот на компетенциите создава простор за нови идеи, подобри решенија и понатамошен професионален раст.

Развојот продолжува

RBDDP продолжува и оваа година со нова генерација учесници, нови предизвици и нови проекти.

Во Пивара Скопје, развојот го гледаме како континуиран процес – процес кој бара подготвеност за учење, преземање одговорност, проактивност и храброст да се проба нешто ново.

Погледнете како изгледаше RBDDP патувањето на Пивара Скопје и нејзините регионални партнери во 2025/2026 година.